觀變渙六二動 想問轉工定留低

啱啱擲咗鋪,本卦觀,六二動,變渙,體剋用小吉。想問嘅係:舖頭個位做咗幾年,上頭話會調我,心大心細唔知跟唔跟。貼咗圖,大家幫眼睇下。

觀係睇,渙係散。你而家個位都未睇清楚就想散,似係你心急多過卦叫你走。

六二動嗰句係「闚觀,利女貞」,即係喺門罅偷望,睇得唔清楚。

咁即係叫我睇多陣先？

體剋用小吉,唔係大吉。跟得過,但唔好當贏硬。

我會分兩層睇。體剋用其實係你控制到局面,唔係局面推你走,所以「跟唔跟」主動權喺你手。問題係觀卦本身講觀察,六二又話你睇得唔透,即係你未夠料落決定。渙卦唔一定係散,係提醒你散之前要聚,譬如同上面傾清楚調去邊、做咩、幾時,聚夠資料先。

我唔係好識易經,不過想問你,調過去係同一區定要過海？

調位最緊要問清楚人工同更表!唔好淨係睇個卦,實際嘢要白紙黑字。

嗯。觀卦都幾似你而家,望住個位望到麻木。

補充返,渙卦個象係風行水上,推得散亦吹得埋。你驚散咗原本班底,咁就先問清楚過去之後仲有冇人照應。

體剋用唔等於一定好,只係唔會蝕到入肉。你自己估下調完之後,做嘢係順手定綁手。

樓上講嘅人工同更表真係要問到底,唔好只係口頭應承。我做開報價都係咁,數目同工期寫低先算數,唔寫等於冇講。

過海就煩。我以前夜更由旺角插去北角,一程都多十幾分鐘,時間就係錢。

咁如果調過去之後,連邊個帶你、跟邊個組都未講清楚,其實同叫你重新適應冇分別。

睇你而家個位係坐死定係仲有得搬。調過去最怕位細、燈暗、對正門口,做嘢自然綁手,同卦無關。