我阿媽係咁,買餸找完錢成手硬幣,返到屋企倒落個罐度。我話不如拍卡啦,佢話「睇住張單先安樂」。
呢排興講「現金係安全感」,網上好多人都話唔想俾人睇住使咗幾多 👀
我阿婆都係
說服唔到㗎,佢哋覺得拍卡冇找錢個聲,唔實在。
冇錯,佢話八達通「唔見咗就渣都冇」,現金摸得到。
我返嚟之後都係咁,喺英國 tap 到慣曬,返到香港反而袋住一疊散紙（因為街市有時唔收卡）真係兩邊都唔上唔落。
由佢啦,佢用得開心咪得,反正找返嚟都係佢自己錢。
不如幫佢張八達通黐個套,同佢講跌咗可以報失,睇下會唔會安心啲？
講咁多都冇用,直接幫佢增值一次,等佢試下拍卡唔使排隊找錢先。
試過,佢拍完都係要睇張單。
其實好多時長輩唔係唔識,係唔想學新嘢俾人笑,同佢哋一齊拍幾次就慣。
咪L搞笑, 今時今日有人無八達通
有冇八達通同用唔用係兩件事。佢張卡放喺屋企唔攞出街,同真係冇卡,睇落一樣但唔同。
我老豆張卡擺咗喺抽屜十幾年,佢話驚跌咗渣都冇,現金摸得到先實在。