啱啱喺平臺擲咗卦,本卦井,之卦困,動爻九三同六四。截圖貼咗上嚟。想問轉工,其實已經有offer喺手,但新工要搬去屯門嗰邊,唔知去唔去好。
井變困…睇個名都覺得唔多好。係咪即係唔好轉？
井卦九三動,爻辭大概係話井水清但無人飲,即係你有料但未有人賞識。六四就係修井壁,要自己先執靚個底。變困,唔係話一定衰,係叫你守住先,唔好一次過押咁大。
我睇法唔同。井係養人,困係守。用生體已經好過用剋體。搬去屯門如果有得住近啲,反而係養返自己。
體用用生體,basic idea is 件事養你,唔係你養件事。但有無諗過困卦個重點係少講嘢？新工頭三個月忍下手。
九三同六四一齊動係咪即係中間卡住咁解
我想問,你擲之前有無定清楚個問題？如果問題係「轉唔轉好」同「新工順唔順」其實係兩條問題,解出嚟可以好唔同。
井卦我記得係講個井點樣養人,唔係兇卦嚟。困就真係要忍下。我阿婆都話,求籤求到困字,唔好心急。
巴打,我問嘅係「轉去屯門嗰份工好唔好」。其實我驚搬咗之後得自己一個,租又貴。
咁即係⋯⋯搬定唔搬？我睇到頭都大。
樓主,井卦個重點唔係搬唔搬,係你有無將自己嗰井水打理好。新工要搬,你不如睇下屯門嗰邊租金同車費條數先,卦象只係話你而家個狀態未係最順,唔係叫你唔好去。
困,亨,貞大人吉。困唔係死局。你問嘅日子同動爻,有無睇埋邊個月起運？
屯門返工,車程好甘。你要計埋時間成本。卦象吉,但你個人攰,都係困。
想追問下,你講困亨貞大人吉,咁係咪只要係大人就亨?咁普通人佔到手個困,同大人個困係同一件事定兩件事?如果答案係後者,咁樓主應該睇邊個。
租金同交通費之外,仲有每日花喺路上嘅時間。實際路線同返工時段未講清楚,暫時好難計條數。
樓主你 9 講到驚得自己一個,呢樣先係重點啦。工就話轉,搬咗之後晚晚返到屋企得四面牆,嗰種攰唔係卦象講得曬。