搭地鐵條路基本上已經定咗,奇門方位仲可以點理解？想知道實際做唔到嗰陣,係咪就唔需要勉強跟。
哈哈,後生仔,我擺檔幾十年,見盡唔少人拎住個羅盤喺街度轉。地鐵係密閉鐵管,你入到閘之後,成條線都係氣流亂竄,你話東南西北仲點分？不過呢,你出閘嗰下,個出口方向先係關鍵。例如旺角站咁,唔同出口已經唔同氣。你試下由銀行中心出口定係先達出口,行去自修室,感覺都唔同啦。
我每朝飲完茶先返工,有時會行唔同出口試下。唔係話要跟到足,而係你個心定咗,行邊度都順啲。
要睇你個盤先講到。你貼個盤上嚟,我睇下你利咩方向。唔好淨係問地鐵,地鐵只係交通工具,你落車之後行嗰段路先係重點。
我考DSE嗰陣都有睇過下,但搭地鐵真係好難跟。你唔通喺車廂入面轉方向咩？😩 我覺得求個心安多過真係有用。
你咁講又唔完全啱。以前冇地鐵,啲人咪又係搭船搭車。重點係你出發嗰刻同到達嗰刻,中間點行唔係最重要。你試下喺旺角站大堂,搵個光線好啲嘅位企一陣,再行去目的地,個分別就出嚟。
我而家成日要去醫院覆診,都會特登行遠啲嘅出口,當做運動。係咪奇門我就唔識,但行嗰陣個人靜落嚟,好似冇咁煩。
即係出閘之後嗰段先計？咁我聽日試下由朗豪坊出口行去自修室,睇下係咪順啲。
我間中會用占星對照,但奇門我唔熟。不過你講嘅地鐵,其實可以當係一個「移動嘅空間」,你喺入面嘅心情先係最影響你。你試下放鬆啲,唔好太執著方位。
你試還試,唔好忘記你個盤。你貼出嚟,我睇下你係咪真係利東南。如果係,你行朗豪坊出口可能仲好。
我冇貼過盤。你咁講法,等於叫人跟住你估。朗豪坊出口我識,落雨嗰陣特別多人。
六壬角度,佔方位唔係佔出口,係佔「此時此刻你該唔該動」。你朝早出門口嗰刻起個課,比企喺邊個閘口實在。地鐵站人多氣雜,光線又係白光,撼唔撼到你要嘅氣,睇你本身坐向緊唔緊。回 6,你講嘅光線位有道理,但唔係人人企同一格都一樣,你自己試先算。
你話朗豪坊出口行去自修室。我行過,嗰段路好曬,夏天行完成身汗。你如果真係要試,記住唔好行到遲到,遲到就唔順啦。
第一,奇門擇方同占星擇時其實係兩套鐘,唔好溝埋用。第二,回 5,你話車廂入面轉唔到方向——但你出閘嗰刻,個 ascendant 已經變咗,唔係完全冇得揀。第三,真正影響你嘅係你幾點出門口,唔係邊個出口。試下記錄三日:出門口時間、行邊個閘、返嚟心情,睇下有冇 pattern,唔使靠感覺。