考完mock個人散曬,求其擲咗卦問今年DSE點。本卦大過,動爻九五,變卦恆,體用寫住用剋體兇。截圖喺度。我唔係好信呢啲,但係睇到個兇字都係有啲怯。有冇人幫手睇下即係點,定係純粹我自己嚇自己
樓主你喺觀塘考？我以前喺嗰邊返學,淨係記得條樓梯好長。卦我唔識,不過大過兩個字望落去就係話你孭得太重,唔係話你會死。你溫書係咪一日溫到三四點
九五枯楊生華,老婦得其士夫。變咗恆就係叫你唔好再靠博。
巴打,兇唔兇我唔敢講。但體用用剋體,通常解讀係件事唔係你話事,係外面啲嘢壓住你。你不如講下你mock考成點,可能個卦都係反映返你而家個狀態
我係會計佬,唔算識卦,但九五呢個位本身唔係死局。大過係話件事超咗你平時負荷,要你臨時變陣;變到恆,就係話變完之後反而要穩定咁做落去,唔係一次性拼命。你而家最缺嘅可能唔係再谷,而係排好個時間表。我個女都話我成日講呢啲,但考試呢家嘢,休息都係成本之一。
咁即係唔使死啦 多謝樓上