啱啱喺平臺擲咗鋪銅錢,想問下大家點解。本卦比,九五同上六兩爻動,之卦剝,體剋用。我問嘅係搬屋之後同隔籬嘅關係,一路都係點頭打招呼嗰隻,想知使唔使主動啲。睇書話比係親近要及早,但變到剝又好似叫你唔好鬱,兩句嘢夾埋一齊我真係唔知跟邊句。有冇巴打識解開呢個死結。
九五上六兩爻一齊動,即係話你而家仲有得揀,但唔係喺廳度揀。你元朗嗰邊我唔熟,不過如果單位對住條走廊直入,人同人之間就係咁,路順就自然傾到偈,唔使夾硬走出去。
嗯。主動完唔一定有迴音。我以前都做過。
樓主你問鄰居啫,又唔係問老細,使乜咁大陣仗睇兩爻。你屋企門口擺對鞋定擺個櫃?擺到塞住條路就真係會少咗人經過。
體剋用我當係自己嗰邊有著數,但剝就真係唔好衝。元朗我唔熟,我淨係知村口同街口嗰啲位先至係人聚集嘅地方,你屋企樓上樓下有冇個成日有人坐低傾偈嘅位?有就多啲落去,冇就唔好特登敲門。
4 講門口擺嘢呢樣嘢我就唔跟。比之剝我覺得重點唔喺擺設,而係時序:比講結盟要早,剝講唔好動。你兩爻都動,即係話嗰個時機唔係而家。你想識人,唔一定要搵鄰居。