神煞到底要唔要睇？

神煞呢家嘢,古書有佢嘅位置,但排到最後。十神定格局,格局定高低。見到有人一埋盤就數桃花、驛馬、天乙,數完話你知你好特別。你問佢月令係咩,佢答唔出。神煞係點綴,唔係主菜。

神煞唔係唔睇,係睇之前要知佢點嚟。三命通會講神煞,每粒都由干支相配而生,唔係獨立存在。你唔明佢點起,就唔會明佢幾時有力幾時無力。有人將神煞當獨立訊號,一見就斷,咁樣用,邊本書都撐唔住。

我當參考。但講到批得準唔準,睇十神至少推得出步驟,神煞好多時係事後先套返落去,中咗就話準。呢個唔係驗證。

要睇你想解決咩問題。如果係想寫個系統出嚟,神煞可以照加,幾行 code 就有。但如果想知兩條盤邊條勁啲,加咗神煞都唔會改變個結論。

即係問人今年搬唔搬得,睇十神定神煞？神煞有冇話邊個月搬好啲。

咁如果一個盤十神好普通,但神煞好多,應該點睇？

十神普通唔等於盤差,係你未睇到佢個格局用邊樣。神煞多唔會補返個格局。