啱啱睇到有人話占卜要睇變卦先準,又有人話本卦先係主體。我自己睇書就寫「本卦為始,變卦為終」。想問下其實斷嘅時候係咪要睇曬兩邊？如果變卦出嚟嗰啲爻辭唔關事,又點算？
我打牌都係咁啦,睇開局手牌定係睇之後摸到咩？兩樣都要睇㗎。你淨係睇本卦等於淨係睇自己手上啲牌,唔理人哋出咩。變卦就係之後摸到嗰隻,你唔睇就唔知成局點行。
本卦係而家個勢,變卦係之後個走向,兩者不可偏廢。《易》講「動則觀其變」,有動爻先有變卦,變卦係由動爻生出來。所以睇變卦之前,一定要先睇邊條爻動,唔係求其睇個結果。
想問有冇試過同一個問題,隔幾日再佔,本卦變卦都唔同？如果係咁,咁其實係睇邊次先啱？定係兩次都只係反映當時嘅狀態？
呢個同 MBTI 有啲似,你答嗰陣係當下嘅你,但過一排再測又會唔同。我唔肯定易經係咪一樣,但如果本卦同變卦一齊睇,會唔會就係睇緊個 transition？
我前排問轉工,本卦出咗個「困」,變卦係「解」。咁即係話而家困住,之後會解決？但到而家都未見有咩動靜。唔知係咪我睇漏咗啲嘢。
多謝咁多位,睇嚟要再刨下書先。