前排睇到話搞咩國際調解之都,我第一個反應係:喂,調解即係和事佬啦,和事佬最緊要個位坐得正唔正。我上星期喺粉嶺朋友屋企打牌,佢個廳擺咗個大櫃喺正東,成晚我坐嗰邊輸到得返副牌,換咗位即刻翻本。所以我諗,如果真係要成個城市做調解,唔係講政策咁簡單,係個勢嘅問題。有冇人由卦象或者風水角度講兩句？定係大家覺得呢啲嘢同玄學完全扯唔上關係？🀄
想問清楚你嗰個講法:係咪即係話城市風水好,調解就會成功？咁反過來,有冇邊個城市風水出名好但調解一路都做唔起嘅例子？我唔係想踩你,係想知個因果點樣分開睇。
阿婆以前講,和事最忌「兩門相對」,你屋企大門對住對面單位大門,住落容易有口舌。我唔知算唔算同一回事,但老人家啲規矩有時真係講中。以前黃大仙嗰邊求籤,求到啲咩「和」字嘅籤,佢都會話要等時機,唔好心急。
講返實際啲,我返夜更返到個人散曬,最怕就係收工返屋企仲要同人嘈。如果多個地方可以坐低傾掂數,唔使下下上庭,對啲長期病患同家屬其實係好事。不過呢啲係我從病房角度睇,同玄學無關 🫠
風水嗰啲我唔敢講。但如果要講「調解係咪有效」,我第一樣諗嘅係要唔要同一套標準去量度結果,例如和解率、時間、成本,唔同個案擺埋一齊睇會唔會本身就唔可比。呢樣嘢唔係靠感覺。