琴日食飯睇到話恒指重返25000,我老公即刻話「咁我啲蟹貨係咪有救」,我望一望個app,原來都仲係蝕緊 😅 我兩個細路一個升中一個幼稚園,學費校車飯錢樣樣加,股市升我又唔覺手上多咗錢。想問下你哋,係咪真係有人覺得好景返嚟？定係得個講字？
我喺深水埗街市隔籬做小生意,講真股市升跌同我盤數冇乜關係。人流照舊,租金照加 😩 上個月中仲要同隔籬鋪夾份頂租。你話25000點,我今日照樣要諗下個月點找數 💸
後生仔,股市上落幾十年都係咁。
其實要睇返之前係跌到落幾多先。如果由兩萬頭彈上兩萬五,個基數低,百分比睇落好靚,但同三年前比可能仲差一截。你老公啲蟹貨係幾時入嘅先？🤔
我公司都有同事今日講股票講到收唔到聲,我就一路聽一路做嘢,算數啦 😮💨 戶口得返幾千蚊,升幾多都唔關我事。
我老公係疫情嗰年入嘅,唔怪得佢咁緊張 🙏 咁即係大家其實都冇乜著數？
唔可以咁講,有貨嘅人帳面係好咗嘅,只係睇你入得貴唔貴。