前排OT到成點,收工喺太子等車嗰陣用手機抽咗支卦,一睇係兇。嗰下心都離一離。想問下大家,兇卦係咪即係話件事已經定咗,定係純粹提你小心啲？我係嗰種抽完兇卦會成晚瞓唔著嘅人,第二日返工仲照樣畀老細追數,算數啦。
《易》有云,吉凶者,言乎其失得也。悔吝者,言乎其小疵也。兇非定論,乃示人以失得之途。又《繫辭》雲,無有師保,如臨父母,是教人臨事而懼。若一卦便斷生死禍福,則聖人作易之意失矣。
我嗰邊睇塔羅都成日遇到呢個問題,客人抽到寶劍十就即刻話死梗。其實牌同卦都係一面鏡,照你當下嘅狀態。我自己做法係睇埋你抽嗰陣心入面諗緊乜,同之後你會點行。所以兇卦我會當係一個提示,唔係判詞 ✨
我啱啱學,想搭單問 😅 咁如果抽到兇卦,係咪即係話我唔應該做嗰件事？定係做咗先算？我上次抽到兇,結果乜事都冇,但我唔知係咪因為我避開咗,定係本身唔準 😵💫 求指教 🙏